احلى شغلانة
السلام عليكم
أهلا و سهلا بك في منتديات
مشغلاتي
معلوماتنا تفيد بأنك غير مسجل أو لم يتم تسجيل دخولك
إذا أردت الدخول أو التسجيل تفضل من هنا ...



وظائف متعددة ومشاريع مربحه
 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 مجموعة من الوصفات النباتية المفيدة والمغذية...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منى

avatar

عدد المساهمات : 36
30/11/2009

مُساهمةموضوع: مجموعة من الوصفات النباتية المفيدة والمغذية...   الخميس 17 ديسمبر 2009, 6:19 am

النهارده هنقدّم لكم مجموعة من الوصفات النباتية المفيدة والمغذية..



يلّا نشوف مع بعض...



هامبورجر البطاطا بالبسلة والرز



المقادير

- كوب رز أبيض.
- حبة بطاطا متوسطة الحجم مغسولة ومتقشرة ومتقطعة شرائح.
- كوب ونصف بسلة مسلوقة.
- رغيف خبز مقطع قطعاً صغيرة.
- معلقتين كمون.
- فص ثوم مفروم.
- معلقتين بقدونس مفروم.
- ملح وفلفل أسود مطحون.
- معلقتين زيت زيتون.
- صلصة حراقة أو "Hot sauce" "للتقديم".



الطريقة

1- اسلقي الرز عن طريق إنك تحطيه في ميه مغليّة فيها ملح لمدة 15 دقيقة أو لحد ما يبقى طري، وبعد كده صفيه من الميه كويس.



2- في الوقت اللي الأرز بيتسلق فيه، اسلقي البطاطا في حلة فيها ميه مغلية وملح "لمدة 15 دقيقة أو لحد ما تطرى"، وبعد كده صفيها من الميه كويس.



3- أحضري طبقاً كبيراً وحطي فيه البطاطا واهرسيها بالشوكة لغاية ما تبقى عجينة، ضيفي إليها الأرز والبسلة وقطع الخبز والكمون والثوم والبقدونس والملح والفلفل وقلبيهم مع بعض كويس.



4- ابدئي في تشكيل الخليط السابق على شكل أقراص تُشبه أقراص الهامبورجر.



5- سخني الزيت على النار كويس واقلي فيه أقراص الهامبورجر لمدة عشر دقائق، مع مراعاة التقليب من حين لآخر عشان يِحمر.



6- طلعيه من الزيت وحطيه في طبق التقديم وحطي معاه الصلصة الحارة، ممكن مع الطبق ده تعملي بطاطس محمرة.



وبألف هنا وشفا.



مكرونة بالباذنجان الرومي والكوسة



المقادير

- نص كيلو مكرونة مسلوقة.
- نص كيلو باذنجان رومي.
- 3 حبات كوسة.
- كوب كبير عصير طماطم.
- 5 فصوص ثوم مفرومين.
- كوب زيت زيتون أو ذرة.
- معلقة كبيرة زعتر.
- ملح و فلفل.
- شرائح زيتون أسود أو أخضر مخلل "للتزيين".



الطريقة

1- أحضري الكوسة والباذنجان وقطعيهم شرائح متوسطة السمك.



2- بلي الكوسة والباذنجان بخليط مكوّن من: "معلقة صغيرة ثوم مفروم + معلقة صغيرة زعتر + معلقتين زيت الزيتون" وقلبيهم كلهم مع بعض كويس وسيبيهم لمدة ساعة.



3- بعد مرور الساعة شغلي الشواية على درجة حرارة متوسطة، وابدئي في شواء الباذنجان والكوسا.



4- سخني الزيت المتبقي على النار وضيفي إليه الكمية المتبقية من الثوم المفروم، وقلبيه على النار لمدة خمس دقائق أو لغاية ما تلاقيه لونه بقى ذهبي، ضيفي إليه عصير الطماطم والملح والفلفل وسيبيهم على النار لمدة ربع ساعة.



5- بعد مرور ربع ساعة ضيفي إلى الخليط السابق الخضار المشوي والمكرونة المسلوقة وقلبيهم مع بعض وسيبيهم على النار لمدة خمس دقائق.



6- جهزي طبق التقديم وحطي فيه المكرونة والخضار المشوي وزيّني الطبق بشرائح الزيتون.



وبألف هنا وشفا.



خضار سوتيه بالذرة



المقادير

- 2 حبة فلفل أخضر مقطعة عيدان متوسطة الحجم.
- 2 حبة فلفل أحمر مقطعة عيدان متوسطة الحجم.
- 3 حبات جزر مقطعة عيدان متوسطة الحجم.
- 4 حبات كوسة مقطعة عيدان متوسطة الحجم.
- 6 فصوص ثوم مفرومين.
- نص علبة عيش الغراب.
- علبة ذرة صغيرة.
- نص حزمة زعتر أخضر.
- ربع كوب صغير زيت ذرة أو عباد الشمس.
- ملح وفلفل.



الطريقة

1- أحضري عيش الغراب وقطعي كل قطعة فيه إلى نصين، وكل قطعة ذرة إلى قطعتين.



2- سخني معلقتين زيت على النار، وبعد كده ضيفي إليه الكوسة والجزر وقلبيهم مع بعض لمدة خمس دقائق.. بعد مرور خمس دقائق ضيفي إليهم الزعتر وسيبيهم مع بعض على النار لمدة ربع ساعة مع مراعاة التقليب من وقت لآخر.



3- سخني معلقتين زيت على النار، وضيفي إليهم عيش الغراب والفلفل الأخضر والأحمر، وقلبيهم كلهم مع بعض على النار لمدة خمس دقائق، بعد مرور خمس دقائق ضيفي إليهم الذرة الصغيرة والملح وقلبيهم كلهم مع بعض لمدة عشر دقائق أو لغاية ما تلاقي إن الذرة وعيش الغراب استوا.



4- أحضري طبق التقديم وحطي فيه جميع الخضراوات.



وبألف هنا وشفا.



كوسة بالحمص



المقادير

- كيلو كوسة.
- ربع كيلو حمص طبيخ.
- بصلة مقطعة قطعاً صغيرة.
- 5 فصوص ثوم مفروم.
- حبة فلفل أحمر مقطعة قطعاً صغيرة.
- 3 أكواب عصير طماطم.
- ربع كوب زيت ذرة.
- ملح وفلفل.



الطريقة

1- أحضري الحمص واغسليه كويس وبعد كده انقعيه لمدة ساعتين في الماء، بعد مرور الساعتين اغلي الحمص في الماء كويس لغاية ما يستوي، وبعد كده صفيه من الماء.



2- أحضري الكوسة واغسليها كويس وبعد كده قطعيها شرائح طويلة.



3- سخني الزيت على النار، وبعد كده ضيفي إليه البصل، وقلبيه كويس لغاية ما لونه يبقى ذهبي، لما تلاقي إن البصل لونه بقى ذهبي ضيفي الثوم المفروم وقلبيهم مع بعض لمدة خمس دقائق، وبعد كده ضيفي إليهم عصير الطماطم والفلفل الأحمر وسيبيهم لمدة ربع ساعة على النار مع التقليب من وقت لآخر.



4- بعد مرور ربع ساعة ضيفي الكوسة والملح والفلفل والحمص وسيبيهم على النار لمدة ربع ساعة أو لغاية ما تلاقي إن الحمص والكوسة استوا، ممكن إنك تضيفي ميه لو حسيتِ إن الأكل قوامه سميك.



5- بعد ما الكوسة تستوي اغرفيها في أطباق التقديم، ممكن مع الطبق ده إنك تعملي طبق أرز بالشعرية أو أرز أبيض.


_________________
لۉ تحطمـ لگ آمل .. آعرف إن آللـه يحبگ ۉ آبتسمـْ ···

لآإ تقۉل آلحظ عمره مآإگتمل قۉل آنـآ حآۉلت ۉآللـه مآقسمـ
الرجوع الى أعلى الصفحة اذهب الى الأسفل
artisan



عدد المساهمات : 10
26/03/2010

مُساهمةموضوع: رد: مجموعة من الوصفات النباتية المفيدة والمغذية...   الجمعة 26 مارس 2010, 11:52 pm

مشكورة علي هالموضوع
والله جعت
الرجوع الى أعلى الصفحة اذهب الى الأسفل
saly



عدد المساهمات : 6
21/03/2010

مُساهمةموضوع: رد: مجموعة من الوصفات النباتية المفيدة والمغذية...   الجمعة 09 أبريل 2010, 10:04 am

تسلم الايادى
الرجوع الى أعلى الصفحة اذهب الى الأسفل
 
مجموعة من الوصفات النباتية المفيدة والمغذية...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى شغلانة :: الصحة العامة :: غذاؤك المتكامل-
انتقل الى: