--------------------------------------------------------------------------------
السلام عليكم ورحمة الله وبركاته
كيفكون يا أحلا أعضاء,,,,,,كلكون أخواتي عفكرا
نبدأ
بما أنو مر علي موقف اليوم بالمنتدا
(ماني حاب سميه موقف حاب سميه سخافة)
المهم.....الموضوع وما فيه
لما بيتساخف عليك عضو....مو مجرد سخافة
لما يكبر بالحكي معك...ويتجاوز حدود الأدب بالكلام
ويجرح مشاعرك....شو بتعمل؟
هلأ في ناس بتصير بترد الكلام....وبتعمل معارك
وردود بترد على ردود .....والقصة ما بتخلص
ويمكن تصير قصة ألف ليلة وليلة...وتصير عداوة بين العضوين
هادا النوع الأول
النوع التاني....ناس بترد بس
من هالنوع من الردود "أنا عألي أكبر منك"
"ما رح رد عليك لأني احسن منك"
أما النوع التالت....يلي انا بحب أعمل بمقتضاه
ويلي هية "نصيحة ماما"
مرة ماما قالتلي (حاسة حالي ببيت الجدة....النصائح والعبر وما بعرف شو)
المهم
قالتلي: واجهي عدوك بابتسامة
فيما معناه....لما تواجه عدوك بالمودة..رح ينغاظ ويحس اديش هوة سخيف
نجح معي هالاسلوب اكتر من مرة
بس هلأ حابة آخد رأيكون
شو بتعملو ازا صار معكون هيك موقف؟؟
بتاخدو بـ "نصيحة ماما" ؟؟
شكرا لحسن الاستماع
وإلى لقاء جديد مع اشراقة يوم حافل بالنجاحات
(متعقد من الازاعة المدرسية يا حرام)
